|
Кабiнет Мiнiстраў
Рэспублiкi Беларусь
ПАСТАНОВА
23 жнiўня 1996 г. N 558
г.Мiнск
АБ УВЕКАВЕЧАННI ПАМЯЦI Б.I.САЧАНКI - БЕЛАРУСКАГА
ПIСЬМЕННIКА, ЛАЎРЭАТА ДЗЯРЖАЎНАЙ ПРЭМII IМЯ
ЯКУБА КОЛАСА
===
У мэтах увекавечання памяцi вядомага беларускага пiсьменнiка,
лаўрэата Дзяржаўнай прэмii iмя Якуба Коласа Сачанкi Барыса Iванавiча
Кабiнет Мiнiстраў Рэспублiкi Беларусь ПАСТАНАЎЛЯЕ:
1. Прыняць прапанову Мiнскага гарвыканкома i Мiнiстэрства
культуры аб устанаўленнi ў 1997 годзе мемарыяльнай дошкi на доме
N 29 па вул.Пулiхава ў г.Мiнску, у якiм жыў Б.I.Сачанка.
2. Мiнiстэрству культуры ў 1997 годзе стварыць дакументальны
фiльм аб жыццi i творчасцi Б.I.Сачанкi.
3. Дзяржаўнаму камiтэту па друку, Саюзу беларускiх
пiсьменнiкаў, Акадэмii навук Беларусi ў 1996-2000 гадах падрыхтаваць
i выдаць збор твораў Б.I.Сачанкi ў 6 тамах.
4. Прысвоiць iмя Сачанкi Барыса Iванавiча Велiкаборскай базавай
школе Хойнiцкага раёна Гомельскай вобласцi i надалей называць яе:
Велiкаборская базавая школа iмя Б.I.Сачанкi.
5. Рэкамендаваць Гомельскаму аблвыканкому сумесна з Хойнiцкiм
райвыканкомам вывучыць пытанне аб стварэннi фiлiяла Хойнiцкага
краязнаўчага музея ў в.Вялiкi Бор, дзе нарадзiўся Б.I.Сачанка, i
прыняць адпаведнае рашэнне.
6. Рэкамендаваць Хойнiцкаму райвыканкому прыняць рашэнне аб
наданнi адной з вулiц г.Хойнiкi iмя Б.I.Сачанкi.
7. Мiнiстэрству культуры i iншым цэнтральным органам кiравання,
адказным за выкананне дадзенай пастановы, пачынаючы з 1997 года пры
размеркаваннi адпаведных бюджэтаў прадугледжваць неабходныя
фiнансавыя сродкi на акрэсленыя ў дадзенай пастанове мэты.
Намеснiк Прэм'ер-мiнiстра
Рэспублiкi Беларусь С.Лiнг
|
Карта Сайта
